أحبك ما أبي غيرك .. ولـو غيـرك ترجّانـي

أحبـك : قلتهـا بقلبـي .. وباحساسـي وبلسانـي
كثير قلـوب ترجيهـا .. ولكـن لا يهمّونـك

أحبك ما أبي غيرك .. ولـو غيـرك ترجّانـي
أنا شاريك ما بيعـك إذا غيـري يسومونـك

أموت اشتاق لك كلي .. أبيـك تـزور أعيانـي
خفوقي يا غلا ينزف وله واشواق مـن دونـك

أطير من الفرح لا من لفـى صوتـك وحيّانـي
أحس اني أهم الناس لا من قلتي : شلونـك ؟

ألوم النفس لا قلتي : بكيت ومـا أحـد جانـي
أنا وش عاد يضحكنـي اذا العالـم يبكّونـك ؟

إلى منّك تضايقتي .. أنا المسـؤول والجانـي
أنا المفروض ما أرضـى أخلّيهـم يزعلونـك

أحبك زود عن روحي عن اعمامي عن اخواني
وباقي الناس يا عمري .. تـرى والله يفدونـك

عليم الله لا قلتي : ( أحبك ) .. زالت احزانـي
واذا قلتي( أحبك موت) صحت وقلت : مجنونك

غدير الحب في قلبك .. حنان ولهفـة اروانـي
أذوب بهمسة ٍ عذرا .. وأثبت إني مفتونك

أنا في دنيتي تايه .. ولا ادري ويـن عنوانـي
ويوم اني عرفتك صار عنواني هو : عيونك

أغار من امك وعمك .. وهذا وذاك .. والثاني
أغار من اصغر اخواتك ولا ودّي يشوفونك

عيوني لو طلبتيها .. لقيت الكـل .. هنّانـي
ترى روحي مع عيوني مناهم بس .. يرضونك


اعجبتني فنقلتها

__________________

قصيده جميله جدا الحب يفوح هنا بهذه الصفحه ادخلو ايها المحبين

__________________
تم تاجير التوقيع لصديق

سلــــــــــــــــــــمت يمناك
قصيده رائعه

__________________

__________________
سألت نفسي من أنا ؟ فوجدت أني سماء كانت تزينها النجوم الكل يتأملها وعندما فقدت نجومي أظلمت فلم يراني أحد!!!!!!!!