قبل كل شي ابيكم تشوفون الفيديو وتعطوني رايكم وهل انتم مأيدينه ولا لا !؟
وليش ؟
كود: [فقط الأعضاء المسجلين يمكنهم رؤية الروابط. ]
يا تقنعوني يا أقنعكم بهالكلام
يعني البنت اذا صار تفكيرها محدود , هذا شي زين؟
اجل ليش تبون امهات وزوجات واعيات ؟ وكيف تبون تربون اجيال فاهمين وامهم تفكيرها محدود!!
البنت والاخت والزوجة انسانه لها حق تطلع وتتنفس وتشوف وتتعلم مثلك مثلها ,
وليييت هالشي لدافع ديني ,, لكن كله عادات رجعية وتخلف وخوف من كلام الناس اللي ماعندهم شغل الا يحكون في بعض!!!!
ع العموم
مافي احد يخاف على اخته هالخوف ويقول انها عار عليه الا اكيد انه مسوي شي غلط ويحسب كل هالخلق مثله !!
اذا انت سويت غلط شوف اغلاطك قبل ماتحاول تتصيد اغلاط غيرك !! ولا انت تبع قاعدة الولد عيبه في جيبه !!!
لكن في هالزمن ولد او بنت كلهم ينعاب عليهم اذا غلطوا ,,
والاهم !! انهم كلهم عند ربي واحد .. وكلهم لو غلطوا يتحاسبون
الحمدالله ان الحساب بيد الخالق مو بيد هالبشر !
فيه اشياء اهم تلتفت لها !! انصح اختك علمها ووجهها .. خلها تميّز بين الصح والخطأ
الا كانك مو واثق بتربية اهلك لها !! فـ هذا كلام ثاني
الظاهرة الشذوذ المنتشرة والفضايح اللي نشوفها بالجامعة وبكل مكان
اشوف بنات يفرغون اللي بداخلهم بالجامعة!!
ليش!! لان الاهل كابتينهم !!حابسينهم!! مانعينهم يعيشون !
مالها الا بنت مثلها عشان مايشك الاخو انها تغلط!!!
البنت لو اخوها يقولها انتي عار!!! ردة فعلها اكيد بتكون عكسية ويمكن صدق تخلي نفسها عار عليه
اما يوم قال الاخ الظريف ان وجهي بالتراب ولا احد بيفديني ان صار شي!! هنا يعجز اللسان عن التعبير
ليش انت تنتظر من اختك تكون عار عليك؟؟ وتخلي وجهك بالتراب؟
لهالدرجة اختك ماتعرف تفكر وتميز بين الصح والخطأ ؟
وهذي نقطة مهمة
دايم يقولون البنت لاتطلع
البنت لا تكلم
البنت لا تشوف
البنت لازم تندقم!!
هالبنت تراها انسانه !! لازم تطلع ترفه عن نفسها تشم هوا!!
في حاجات خاصة تبيها !! تحتاجها!
ارحموا من في الارض يرحمكم من في السماء!!
اكييييد كثير بيقولون الشيطان شاطر !! وعيال الحرام كثار!!
طيب انت ماعندك وسط!
يا ماتطلع اختك ابد او تخليها بدون رقيب ولاحسيب !!
( خير الامور الوسط ياجماعة الخير وديننا دين وسطية)
لا افراط ولا تفريط
كفــــــــاية جهل !!
يعني انت مو هامك هي بتسوي شي مايرضي الله
انت اللي هامك سمعتك !! وعارك !! وكلام الناس!!
وربي ماراح يوفقك اذا اكبر همك دنيا وناس
في موضوع بالجادة قريته هاليومين .. يسأل الكاتب ويقول ليش بناتنا تفكيرهم محدود!! ليش مايعرفون يحكون ولا يعرفون يفكرون
انا ابيه يشوف الفيديو ويعرف ان اغلب هالناس الي هنا يفكرون كذا!!
وهم سبب هالشي!! يقولون ان البنت بتفكير محدود تكون عاقله
اما البنت اللي تفكر وتشوف فـ هي صايعة!!
وحدة من زميلاتي اخوها نفس حالة هالاخو!او بالاحرى اهلها كلهم يفكرون كذا
طلعة ممنوع!
تليفون ممنوع الا نادر ! ( طبعا ثابت مو جوال )
كانت اذا كلمتني فجأة تقول لي يالله ياقهوة مع السلامة ابوي جا
وطرااااخ صكت السماعة
اذا رحت مكان , اعطيها خبر و اقولها تعالي من زمان ماشفتك! تقول انتي عارفة الوضع ,, وطبعا ماتجي!!
لكن و الله يشهد اني بالصدفة دريت انها تكلم عيال من ورا اهلها!!
شفتوا الكبت على اشياء تافهه لوين يوصل!! ممكن يوصل للعار صدق!!
خذوها مني.. البنت لو انها بين اربع جدران ,, وفي راسها شي بتسويه!!
عطوهم الثقة ,, انصحوهم ووجهوهم,, راقبوهم بمحبة حسسوهم انكم واثقين فيهم قبل كل شي!!
احتووهم عشان تعرفون كل مايفكرون فيه !! وبكذا ان شاءالله ماراح توصلون للعار
والله مايره هو ومن على شاكلته العار
الأخت ينتخي فيها كبار مشائخ القبائل من البدو والحضر
إذا هذا ساقط ولا مكان له من الاعراب
يتحدث ويحكس واقع مجتمعه فقط لا اكثر ولا يمثل العسوديين اطلاقا
النساء ناقصات عقل ودين كما قال رسولنا الكريم
ولكن لم لا ننظر الى امثقفات والبارزات وتتنحى انظارنا عن الساقطات
الكاسيات العاريات التي هن فعلا العار الحقيقي
شكرا لهذا النقل
الإهداءات
21-06-2008, 10:30 AM
رد: يقـــــــول اختــــــــه عار 
يقـــــــول اختــــــــه عار 
العرض العادي
