ضوء على خبر

#1 (**permalink**) 17-06-2008, 09:44 AM

أول شي السلام عليكم ,,,,,, كيف حااااالكم انشاء الله

أمس قريت خبر يضيق الصدر واليوم كله هواجيس وتفكير

فقلت ليه ماخلي اعضاء الموعد تضيق صدورهم ويهوجسون من باب حب لاخيك ماتحب لنفسك <<<<<<

ايه يارجالة الخبر حسب ماورد في العربية

خبراء ومختصون يوصون باستغلال الطفرة لتأسيس صناعات طويلة الأجل
الخليج مهدد بنكسة اقتصادية إذا استمر الاعتماد على النفط

[فقط الأعضاء المسجلين يمكنهم رؤية الروابط. ]

طبعا ملخص الموضوع ان النفط مورد ناضب وان دول الخليج جميع اقتصادها متركز على البترول ومنتجاته

من هذا الخبر بديت اعيش هالسيناريو الخيالي

قايم الصبحية يافتاح ياعليم وطالع الدوام واركب السيارة واشغل واحصل البنزين على E

يالييييل مو وقته متأخر على الدوام والمدير ناشب لي كل يوم حسميااات قلت في نفسي انشاء الله خير وادور محطة
على طريقي

اول محطة عند البيت لقيت الهندي عند البوابة وقبل مادخل صديق مافيه بنزبن

ثاني محطة ثالث رابع كلهم مافيه بنزين وش السالفة ؟؟؟؟ انا طبعا استيعابي بطئ اذا توني قايم

طبعا زلبت وقلت وش هالصبح اللي بدايته تضيق الصدر طبعا مشيت وانا على اعصابي لا ينتهي البنزين واخيرااااا احصل محطة بس يااااااهي زحمة

حسيت ان الوضع فيه انا واوقف واشغل الرادو لعل وعسى ابراهيم ابو شرارة

يقول وش السالفة
واول ماشغلت الرادو لقيته وقت الاخبار الا واسمع هالخبر

(( اعلن اليوم في دول الخليج عن نضوب آبار البترول والبدء في الاعتماد على الاحتياطي الذي سيكفي لمدة 6 شهور )) الخبر الثاني (( ارتفاع سعر البترول الى 600 دولار للبرميل ))

طبعا في هذي اللحظة تذكرت اشياء كثير تدرون وش تذكرت

تذكرت سواليف جدي الله يرحمه عن الفقر وكيف كانو ياكلون الجيف ويتغربون عن اهلهم يدورون الرزق وانا كنت ماصدقه في نفسي طبعا وتذكرت كيف اذا طلبت من مطعم وبقى اكل ارميه في الز بالة وانتم بكرامة وتذكرت كيف كنت اهين العمال واسبهم وهو جاي عشان يعيش ويعيش اهله وتذكررررت كيف اني ماحمدت ربي ابدا على هالنعمة اللي الله منعم بها علينا صرااااااااحة بغى ينفجر راسي من كثر الاشياء اللي تندمت عليها

يالله رحمتك ولطفك يارب

الشي الثاني اللي ابيكم انتم تفكرون معي في هالموضوع كيف بنعيش بلا بترول ((ادري انكم بتقولون وش هالتشائم ومن هالكلام احب اقوله هذا مو تشاؤم ابدا بالعكس حلو ان الواحد يخطط ويتوقع اسوء الاشياء ممكن تحصل ))

وش تتوقعون المصادر اللي ممكن نعتمد عليهابعد البترول ((لاسمح الله)) مثل السياحة , الصناعة , موسم الحج والعمرة ,,,,,,,,, شرفوني بآرائكم

#2 (**permalink**) 18-06-2008, 02:56 AM

انت ذكي
وخطير
وشيطان بنفس الوقت
كيرك سليم جدا جدا جدا
بادره طيبه منك للنح لتغيير او تنويع الموارد وطرق المعيشه
احتراماتي

#3 (**permalink**) 18-06-2008, 04:41 AM

والله انا اقرى موضوعك ورافعه حاجبي واتخيل انى لابسه زبريه اخوي وجالسه عند خيمت ابوي
والله مشكله لخلص البترول وارنكو يسكرونها بعد واي مشكل واجد مشكل
مادري وش نعتمد عليه فكرت فى الزراعه صعبه اسمع صوت الهوى والغبره تلعب بره مورها زراعه
تسلم اخوي موضوعك مثل ماقال كبرياء لبد للتغير والتفكير في موراد اخرى

#4 (**permalink**) 20-06-2008, 02:07 AM

ماعندي مشكله لو خلص البترول انا اخونا ..!!
عارف ليش ؟
لانني اقتدي بالاسبقين ويجب التعود على هذه الحياه مهما وصلنا من مكانه ماديه واجتماعيه واخلاقيه ايضا

#5 (**permalink**) 25-06-2008, 01:17 AM

الله لا يقوله والله بنخيس بملابسنا
احنا على الله ثم على هالبترول

#6 (**permalink**) 30-06-2008, 02:15 AM

فال الله ولا فالك ..!!
تدري انك بتركب حمار لو خلص

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

ضوء على خبر

كشكول