خذيها من اللي جنبك...بس...((بالحب))... الى بنات المنتدى ....خاص

الى بنات منتدى الكـــــــــرام
خذيها من اللي جنبك...بس...((بالحب))...



موضوعي هالمره مو بس جمال لا
محبة ورغبة في التقدم للامام
له بعد نفسي داخلي حلو
ينعكس عليك وراح تلاحظون طبعا بعد ماتتجرأو على الرد (( انا اول وحده بكتب تابعو جوابي تحت))
لان ممكن كثير يتهرب ولو مع نفسه بالرد والسبب التفكير بدون حب

ماراح اعقدكم ببدا الحين

بسم الله

طبعا كثير في المناسبات
تثير اعجابك وحده من القريبات
او انك انتي لوحدك تحسين انه في ضوء مسلط عليها

السؤال
مالذي يعجبك في اقرب الاشخاص لكي وماهي درجة قربها منك ؟؟
يعني قدوة قريبة جدا
وغالبا الاقارب يتشابهون يعني ممكن تكوني مثلها
والصديقات كذلك ممكن تعدون بعض
بدل ان يكون من يعجبنا كافره ونقلدها ونتجاهل الاقرب اللي في داخلنا

بالحب ليش؟؟؟؟؟؟؟
يعني بدون تمني زوال الشيء من الطرف الاخر
بالعكس يكون مصاحب بالدعاء له بالتوفيق المستمر


ابدأ انا

*** احدى قريباتي من بعيد جدا متواضعه ودائما مبتسمة وتسلم على الكبير والصغير
وتبدأ بالسلام بسيطة غير متكلفة
وهي صغيرة بعمرها اكتشفت بعد فترة طويلة قرابة سنتين انها ماشاء الله استاذة في الجامعة
ولاعمرها تباهت وقالت أعجبني التواضع الامحدود
اخذتها قدوة اكون مثلها خصوصا اني قاعده اكمل دراستي وازيدها

*** بنت عمي دائما متألقة ماشاءالله
رغم ان ماعندها شغالة
وعندها اطفال
وعزايم كثير
لكنها استعانت بالله وحققت كل شي
انا البيت يحوسني مره ووقت العزايم ادور الشغالات وماعندي اطفال
بعدها قررت اكون مثلها كل شي احافظ عليه بنظام وترتيب
لان هي بعمري وحسيتها فعلا قدوة حلوة اقلدها بشي حسن

***بنت عم امي
تحضر جميع الاعراس بكامل أناقتها وفخامة لبسها ونعومتها
لكن؟؟
محتشمة يعني على الموضة بدون تكشف ماشاءالله يعني قمة بدون ابتذال
مو بس كذا
اذا العرس فيه موسيقى او اي شي مبتذل تؤدي واجبها
وتنحسب بهددددددؤ تام
قررت اسوي مثلها

****قريبتي
جمالها قليل
لون بشرتها وسط
شعرها غير ناعم
كل هذا
وتطلع اجمل وحده في كل مناسبة او عزيمة منزلية
بلامنافس
لبس مكياج أناقة
سألتها عن السر
قالت ثقتي بنفسي وقناعتي اني ماراح اغير شكلي الا بعملية
ويكفي اني اشبه والدي
قررت تترك الانتظار لحصول تغيير واعتنت بنفسها وابرزت جمالها بطريقة رائعه
لدرجة اننا ننتظر فلانه كيف بتكون بالعيد او اي مناسبة
ماشاءالله
اعجبتني طريقة تفكيرها لو فكرت كل وحده انه تشبه اعز شخص امها ابوها اخوها خالتها
راح تحب روحها كثير
وماهو شرط نكون كلنا رشيقات
بيض شعر طويل ناعم
عيون واسعه
الخ كان صرنا توائم

**** تقريبا هذا اللي جا في بالي
بس اذا تذكرت شي بكتبه
لاني حسيت بشي حلو وانا اكتب محاسن اشخاص بحب واعترف اني بقلدها

هههههههههههه

حياكم أحبتي في انتظار ردكم

موضوع ممتع بإذن الله

أهم شي صفو النية وانتم اصحابها

__________________

لا تعليق

__________________

__________________
تم تاجير التوقيع لصديق