يا محمد وش فيك ؟

#1 (**permalink**) 13-12-2006, 09:27 AM

تعبت من التعب .. مليت دربك .. نسيت خطاك=شربت من الظما .. حتى رويت .. و فاض فنجالك
ذكرت "غيابك" .. اللي لونسى الكل ما ينساك=يوديك الغياب .. بعيد عن عينك .. و يغتالك
يدوّرك " الحنين " فذكريات الوقت .. و ما يلقاك=يمر عليك كل ليل ناسٍ كثار .. و تسهر لحالك
(محمد): ليه الحزن في عينك يجيب اقصاك؟=(محمد): وش بلاك تحب شيء ما تهيّالِك؟
نشف فيك الكلام و رحت من صمتك .. تصب شفاك=غدر فيك القصيد اللي تقول .. و راح ما قالك
ملل نومك .. ملل يومك .. ملل دومك .. و ما أدراك=مواويلك .. سهر ليلك .. يبي شيلك .. و لا شالك
وسع ضيقك .. نشف ريقك .. رتِّل صبحك لظلماك=تعبت تهمّك أحوال العباد و تهمل أحوالك
تسلل من ورا .. باب السنين لذاكرة شباك=يساورك المدى .. تقرا القديم .. و ترسم أطلالك
هنا : لعبتك ضاعت .. مر طفل بلعبته .. بكّاك=هنا : دمعتك طاحت .. ضيعوا فرحتك بريالك
هنا : سويت من وهم الزمان .. أحلام ما تسواك=هنا : فازت هزيمتك و رجعت .. تجرجر اذيالك
هنا : يلبسك ثوب العيد .. ما تعرف حزن دنياك=هنا تجلس على صدر المكان .. و ترخي عقالك
هنا : أول مرة تصافح غرام .. و ترتجف يمناك=هنا : أول مرة يطيح الكلام .. و توقف أفعالك
هنا ودّعت ابوك و انتقلت انته إلى مثواك=هنا وحدك .. قدرت تشيّد أعظم حلم متهالك
طلعت من الحياة بـ( يرحم الله شايبٍ ربّاك )=تغيّرَت ( شف و أنا ابوك ) صارت ( شف و أنا خالك )
( هنا ) ترجع لشباكك كِبرْت .. و صرت غير هناك=تحاول وحدك تطفي وهمك .. و تشعل آمالك
وحيد .. إلا من أكثر بوح .. لاجابك ولا وداك=بعيد .. إلا من أقرب روح .. راحت قبل تقرالك
( محمد ) : بعد هذا الهم وش باقي لجل أقراك ؟=( محمد) : كل هذا الهم .. وش خلا لعذالك ؟
تعبت من الحياة و ملّت أيامك تبي فرقاك=ذكرت الكل .. و لكنك .. نسيت اتمر في بالك !

محمد الوسمي ..

#2 (**permalink**) 13-12-2006, 09:50 AM

ما أجمل هذه القصيدة وروعتها وفنها وقالها :

وأجمل بيت :

ملل نومك .. ملل يومك .. ملل دومك .. و مـا أدراك
مواويلك .. سهر ليلك .. يبـي شيلـك .. و لا شالـك

ثموووووووووووووووووووووور

#3 (**permalink**) 13-12-2006, 10:01 AM

صح لسانك

كلمات جميله بالفعل

الله يعطيك العافيه

#4 (**permalink**) 13-12-2006, 10:08 AM

اخي المبدع انين اشكرك عزيزي على القصائد الرائعه

#5 (**permalink**) 13-12-2006, 10:50 AM

اخى المبدع

انين

قصيدة أكثر من رائعة دائما تنتقي الرائع
يعطيك ألف عافية على نقلها واتحفانا بها
وفي انتظار جديدك .. دمت بخير
لك مني أرق التحية

#6 (**permalink**) 14-12-2006, 04:18 PM

روح ..رئـــام ..

ثمور .. نادر ..

مروركم .. شرف ..

و ردودكم .. أنسخها مباشرة في ملف

أحفظه في قلبي ،،

لا عَدِمتُ وجودكم في دنياي ،،

سَلِمتُم ،،

.
.
.
أنــــيـن
.
.
.

#7 (**permalink**) 14-12-2006, 07:35 PM

اخي انيييين شاكر لك ابداعك الذي افاضنا بشوق لغايبين تناجى ذكراهم في بالنا

لك مني كل الود والشكر

اخوك::::::::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

يا محمد وش فيك ؟

حرف القصيد