الحساوين (اهل الحساء)

1- اذا صلى الفرض وانتهى من صلاته .. وانتهى من التسبيح التفت على اللى في يمينه وسلم عليهم والتفت على اللى في شماله وسلم عليهم

2- اذا شافك وقابلك في الطريق سلم عليك سواء كان يعرفك او ما يعرفك

3- اذا جاورته ما لقيت من وراه اذيه , يعني ارقد وآمن

4- تلاقيه بسيط , طبيعي , سموح , وسيع صدر , وعلى نياته

5- اذا طق عليك الباب عطاك سله فيها ارطب خلاص او غر واذا جى وقت الصرام ما نساك من التمر الزين

6- تلاقيه غارس في بيته فسيله وتشوفه مهتم فيها بنفسه

7- تلاقي عنده سيارتين , الاولى كابرس يروح عليها الشغل , والثانيه سوبر حق طريق مكه

8- تلاقي طموح ابناءه اذا تخرجوا من الجامعه انهم اما يصيرون مدرسين في الحكومه او مهندسين في شركة ارامكوا , وازيدك من الشعر بيت .. كل واحد منهم يبي يتزوج مدرسه ويسكن في شقه لحاله

9- اجتماعي من الطراز الاول , يعني ما تمل من سوالفه

10- يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان حقود يعنى شاذ عن القاعده

11- اذا شاف شي غريب اول مره يشوفه او يسمع فيه .. قال .. الله شذشذا ..

12- اذا قلت له .. على كيفك .. رد عليك وقال.. ما يحصل

13- اذا جاء شهر رمضان طق عليك الباب وعطاك صحن هريس من طبخ ام عياله وتلاقيها متنغصته حق زوجتك

14- اذا طلع تقاعد .. تلاقي طموحه عماره في الخبر او الدمام .. ومزرعه في الحسا فيها بركه سباحه .. وتنور حق المندي

15- يخاف من العين .. علشان كذا تلاقيه يقول لك .. قول ما شاء الله

16- اذا كان ساكن في الدمام , الخبر , الظهران , الجبيل او اي مدينه اخرى , وجا ء يوم الاربعاء حرك ونزل الحسا , و فوق كذا يحب يقضي العيد يم اهله وجماعته هناك..

17- ما ينساك في العزايم والمناسبات , يعرف الاصول وكريم

18- اذا شميت ريحة المشموم " الريحان " في بيتك اعرف ان زوجته كانت تزور زوجتك

19- يستانس وينبسط الى من شاف له ناس من اهل الحسا

من ايميلي

__________________
ريديكــــــــــــــــــــــ

اشمعنا الحساويه

حنا هل الدمام وش تقول فينا

__________________

ونعم فيكم ياهل الدمام بس انا سكنت هذي المدينه وشفت اهلها واطباعهم وتقاليدهم والله اني مقصر بعد في حقهم ياخي والله الذي لااله الا هو يااني ماتوقعت اني احبهم بالسرعه ذي ياخي صارت لي مواقف وخاصه في عملي ماوقفوا الاهم ... ومواقفهم معي ماانساها وبعدين ممكن انا الحساء ماهي زي الدمام يعني الدمام اكبر بكثير والناس اجناس فيها بعكس الحساء الاكثريه من اهلها ...يعني الاصلين ..الناس الوحدين او نقول بالنادر نشوف يطلع من مدينته ويتوظف مكان ثاني ....انا اعرف ناس تداوم من الاحساء الي الجبيل يوميا ليييييييه؟؟؟

يعني مافيه شقق في الجبيل ؟؟؟؟؟ اكيد فيه بس يقولي خلاص احس اني زي السمكه اول مااطلع اموت

وبعدين ياخي هل انت من اهل الدمام ام نازح في الدمام (مثلي ) يعني ماجابك الاعمل او ابوك جابه عمل.......

وبعدين كل واحد يشوف الناس بعين طبعه ...انا شفت الناس بعين طبعي لوشفت اني اخطيت بشي قولي ....

وبعدين كلنا خطائون وخيرهم التوابين ....ماانا الاابن ادم (انسان) يعني من النسيان دلشتي
واهل الدمام ونعم فيهم واهل الغربيه ونعم فيهم واهل الجنوب ونعم فيهم واهل الشمال ونعم فيهم واهل الوسطي ونعم فيهم (لايطلع واحد ويقول وحنا) جمعناكم كلكم واهل قطر عشان ماننسي

وبعدين جت في ايميلي اهل الحساء ويش تبغاني اسوي....... ابشر المره الثانيه اني مااتكلم في اي منطقه من مناطق المملكه (كل شي الازعلك)ابسط ياعم




تحياتي

__________________
ريديكــــــــــــــــــــــ

ههههههههههههههههههههههههه
ههههههههههههههههههههههههههههههههههه

كل اللي مكتوب مضبوط ميه بالميه

علشان كذا يقلون

الاحســــــــــــــــــا حسنـــــــــــــــــــــــــــــــا لــــــــــــــــــو الدهــــــــــــــر اغننـــــــــــــــــــــا

__________________


إذا مرّ بـــآبك يالوُفــــآ .. سلّـم عليــه وقِـلّـه

"خلّـك ترآ صَـآبه جِـفـآ , مـآعآد ينــطِر في مَحلّــــه .. ! "

وربي جناااااااااااااااااااااااان
والله من جد اهل الحسا طبيبين مررررررررررره
ولايهونون اهل الشرقيه كلها عينين براس مانقول عنهم شي


الله يعطيك الف عافيه

__________________

على فكره ريديك

دلتشي من اهل الدمام اب عن جد وليس نازح
وكلنا من اهلها الاصليين ولسنا نازحين

__________________
تم تاجير التوقيع لصديق

انا ماني من اهل الحساء الاصلين لاكن اقول مثل ما قال الخوي ريدك واكثر

انا بس من خلال دراستي في الجامعة حبيت الحساء كيف لوني من سكانه الاصلين

يا أخي هذي المدينة غير عن كل المملكة بس يكفيك التسامح الي فيهم والطيبة الحلوة الي ما تشوفه في المدن الكبيرة

__________________

الحمد لله الذي خلقني صبورا" كي أرضى بالأشياء التي لايمكن تغيرها

وخلقني قويا" كي أغير الأشياء التي يمكن تغيرها

ووهبني الحكمة كي استطيع ان افرق بين هذا وذاك

__________________
ريديكــــــــــــــــــــــ

__________________
ريديكــــــــــــــــــــــ

__________________
ريديكــــــــــــــــــــــ