تذكر يـوم اقولـك جسـد يحتـوي روحيـن
واوعدك مـا أخليـك وتوعـد مـا تخلينـي ؟
أذكـر يومهـا أشـوف بالدنيـا بـس أثنيـن
قلبي اللي يحبـك وقلبـك اللـي يحوينـي ..
بعدها بأيـام شفـت ايـدك تحتضـن ايديـن
وانصدمت يـوم شفـت انهـا غيـر ايدينـي
سكت لجل خاطـرك وقلـت مرحبـا بالزيـن
مرحبا باللـي القلـب لجلـه حيـل كاوينـي
مر يوم واسبـوع وشهـر وبعدهـا شهريـن
وهـو لازال مايـدري بأنـي شفتـه بعينـي
وأخاف اني أقوله له خايـن وينجـرح بعديـن
واخاف أسكت وبسكوتي صمتي حيل يشقينـي
واجهته وانا ابكـي والعيـن تحتضـن العيـن
سألته : ليه تنساني ؟ ولا ماكنـت تغلينـي ؟؟
سكت ولـفّ عنـي وخبـى وجهـه بالإيديـن
اللي كانت تحضني وغيرهـا مـا تدفينـي ..
سحبت وجهه ومسحت الدمـع علـى الخديـن
وقلت له والله أحبك ولـو انـك تخلينـي ..!
سكت فتره وقـال لـي : لازلتـي تحبيـن ؟؟
بعـد اللـي تشوفينـه لا زلتـي تحبينـي ؟؟
ابتسمـت وقلـت أجلـك ماعرفـت للحـيـن
اني أحبك حيل واللـي يرضيـك يرضينـي ..
سكت فتره وانا أعـاود فرحـة بقـت لسنيـن
وتركتـه وتركـت حبـه اللـي بقـى فينـي
وصـارت الدمعـة اذا هلّـت أقـول أهلـيـن
والبسمة هجرتنـي ونسـت دربهـا فينـي ..
بعدهـا بأيـام سمعـت خـبـر والله شـيـن
سمعـت انـه مـات وهـو يطلـب يلاقينـي
ويوم انـي رحـت.. وصيتـه لـي بورقتيـن
الأولى بهـا أسمـي كتـب بدمـه يغلينـي ..
والثانيه يقول فيها: "أبـي اوضحلـك شييـن"
"الأول أحبك حيل وماسكن غيـرك شرايينـي"
" والثانـي أمانـه لا جيتـي لأهلـي تعزيّـن"
" لا تنـزل دموعـك لـي طلبتـك لاتَبْكِينِـي "
" كل اللي أبيـه انـك بالخيـر لـي تدعيـن "
" وانك بالشهـر مـره بقبـري تزورينـي .."
" واللي أبيك تعرفيـه ومهـم انـك تعرفيـن"
" اللي شفتيها معي كانـت بموتـي تبشّرنـي"
" انا اللي خليتك من كيفي عنـي تبعديـن .."
" لجل ما ينجرح قلبك بلحظة موت تحويني .. "
تكفين لا تظنين اني خنتك يـا الغـلا تكفيـن "
" واذا لازلتي تحبيني دايم بالخير أذكرينـي .."
سكت وقلت : ياليتنـي ظليـت معـك يازيـن
وشفت الموت ياخذك مني ولاكـذا تخلينـي ..
تظنون اني نسيت أو الدمـع جـف بالعيـن؟
لا والله اليـن اليـوم وهـو معـي يخاوينـي
لو تـدور الدنيـا ولـو تمـر بعدهـا سنيـن
ما نسيته لـو أشـوف أحفـادي حوالينـي ..
اعجبتني ونقلتها