انا بسال اول شي
عرف بنفسك باختصار
اسمي عادل <=== أمّـــا عادل خوفي يطلع : خنيفس بن لسعان آل عضه
و يدلعوني " ابودجه !" و الدجه من الدجدجة و هي الدوارة و اللفلفة ،
و في قاموس الصعاليك هي الصياعة في الشوارع النظيفة الأنيقة نحافظ على البيئة ما نآذي البسس ( القطط ) و لا نقطع الأشجار
و عمري ما رحت كل خميس محل التفحيط
( التفحيط أن تحط السيارة عالأول ثم تنتع بسرعة الين تصدر صريراً من أسفل العجلات يكون صوته هكذا : ححححححححححيط ، منها جاء " التفحيط" )
و من أهم مايميزنا أيام المدرسة أننا كنا نحافظ على كتب المدرسة و ما كنا نشخبط فيها
و عمري عمري ما نسيت واجب
و عمره المدرس ما مردغني قدام الطلاب في الفصل الحمدلله الحمدلله .
طبعاً أكثر أيام الطفولة قضيتها مع عباقرة الحارة و فطاحلة الأدب ،
و دايماً أسماءنا الأولى في لوحة الشرف عند عمدة الحي
طبعاً اذكر من زملاء الدراسة "ابو برطم الأشول" و الحين يشتغل على دباب أربع عجلات حول "سوق عتيقة" بالرياض ،
و "نص العقل مفقود" و طبعاً نص العقل خوي عمر و زميل دجه قديم لجل ذلك احنا على اتصال و مع بعض دائما في الحل و الترحال و ما ننقطع من بعض ،
و كذلك في الأخ الحبيب "رافع حاجبه محد عاجبه" هذا عنده محل بنشر بمحاذاة السكة الحديد في الدمام له 12 سنة يحتري القطار يبنشر !!!
وش هواياتك
طبعاً الهوايات تختلف و تتغير من مرحلة عُمرية لمرحلة قُمرية لمرحلة السمّان و العصافير!!
أول هواية البلوت ، بس مااعرف العبها لكن احب اتفرجها!!!
و الهواية الثانية " الكيرم " برضو مااعرف العبها بس احب طريقة لعبها!!!
و يوم كبرت شوي حبيت السباحة و أكره شي عندي الكهرباء و البحر!!!!
طموحات وتطلعاتك للمستقبل
طموحاتي و في المستقبل ابسوي منتدى خاص بسواويق الحافلات
لآبراز عظمة هذه الوظيفة و مافيها من القيم الخلقية و الروحية و حب وطني و بندة و العثيم!!!!
أمنيه تتمنى أن تتحقق لك
افتح فرع "حافلات ابودجه في دبي" و احط قدام كل كرسي لاب توب و خط وايرلس ، المشوار 3 ريال شامل الفرفرة على النت .. بس هوّنت من ذي الفكرة ... قالوا عشان يمدون خطوط النت لازم يحفرون المقاعد ،
و ما قصّر اخوي نص العقل جاب لي عرض من شركة يحطولنا خطوط انترنت عالقمر الاصطناعي!!!!!
في الختام ابهديكم مجموعة صور منوعة من البومي الخاص جداً
هذي الخبر وهذا الي في البحر هو الميناء الي جنب عمارة العريفي على الكورنيش
أنا ما قهرني الا الي يصور يا هو مختار مكااااان يصور منه!!!!
هذي الظهران في بدايات أرامكو
هذي وين ما أدري بس واضح أنها في أوروبا !!!
نقاط التفتيش في الطرق السريعة من اول
محطة تبع أرامكو بس ودي أعرف الوراعين الي على اليمين وين شايلين براد الشاي؟؟؟
وقفه للتصوير ... !! )
جدة أم الرخا و الشدة
جده
مدائن صالح
